قصيدة عن التردد الوجودي

Sherif.A 16 يناير 2019 210 0
سجل الآن وشارك في الحوار واستفد من الخبرات
3 3

في بداية المشوار
كان نفسي أكتب نص
يتقال عليه دا ديوان
يتعاد ف كل آذان
مِن سمعه مرة ف يوم
فـ يقولوا مالوا مثيل ..
في بداية المشوار
كان نفسي أكتب نص
خالي من التمثيل ..

القبر
كان فكرة ناتجة لحرب بين أخين
الحرب
بين النفوس ، مش شرط بني آدمين
الأرض
الأرض بير عمال بيبلع ف البشر من بعد فعل ل عزرائيل
عقلك دا فين
أمر انتزاع الروح من جوا جوفك
دا أمر مين ؟!
طب ليه نكون
لما إحنا أصلا ميتين

الكون
شرق غرب ، شمال جنوب
يمين يسار ، فوق وتحت
طب فين حدوده ؟!
ولا أقولك
إثبت وجوده ..

ف الزاوية فوق
شايف توهج
عمال بيلسع ف البشر من كتر ضوءة
مين اللي قال دي الشمس
دي حبة غضب م المظلومين
وإتجمعو ف الزاوية فوق

شوفت الشروق
طب ليه يكون
لما نهايتة تكون غروب

دا مافيش هروب
من قبضته
من تحت عرشه اللي استوي
مجبر أكون
طب ليه أكون
ونهايتي موت ..

#شريف_أشرف ..

نشر بتاريخ 16 يناير 2019 04:07 م
آخر تحرير 16 يناير 2019 04:07 م

أضف تعليق

لا يوجد تعليقات