السر

مؤمن.أ 28 فبراير 2017 203 2
سجل الآن وشارك في الحوار واستفد من الخبرات

كلنا عارفين ان الحب له بديهيات.
وخصوصا انه سخيف  مالهوش توقيت .
مخلوق حساس له طلة وشكل  مُسْتهتر دايما بحياتنا.
تفرح بوجوده  وتتنهد لما بيتأخر بتروحله لو حتى بعيد .
نفسك يسترجل لو مرة يعملها ويظبط ف المواعيد .

بيقرر هو من نفسه امتى يَتْجلي ف حياتك وبدون انذار.

وكأنه عارف مصلحتك حساباته متاخدة ومش ناقصه غير بس قرار .

الآعيبه كتيير ومابتخلصش .. احساسه لذيذ ولذاذته جاية من حيرته .. ابدى وعجوز.

غامض مليان بالاسرار وكأنه الروح  .. اجاباتها عند خالقها وبس.
اعتبره بلاء اعتبره عقاب او حتى نصيب مش فارقة  كتيير.
 بس اتأكد ان الموضوع  خارج ادراكك دايما من غير فوازير .
مهما تجرب او تدرب مهما تحب .
عمر ماعقلك يقدر يفهم او يستوعب كل مفاجأته اللى اسمه الحب .

طلقة ومظبوطة ع  قلبك  من غير تهويش .
عارف احساس انك مسلوب متبنج مش قادر فعلاً تتصرف.. وكأنك حلمان بكابوس.
عايش تستقبل صدماته  كومبارس ف فيلم ..  ماختارتش حتى تمثل فيه .
بقى ..! حتى لما نحب نرازى ف حد نقوله ده شكلك واقع فيه.
خد منى عصارة فلسفتي والعصف الذهني والتدوير  .
سيب نفسك خالص للموجة ..
رَدد ِورْد الاستسلام  ..  واتشاهد مع كل صباح ..  واَسْتَودع قلبك لِمَليكَه .
يمكن تعرف ترضى بقدرك  ... تتعايش وماتتجننش .
قولها ف سرك وانت بتبكى صابر وماتترددش.
-
قل الحب من أمر ربي - ومافيش غيره له غَلَبة عليه .

نشر بتاريخ 28 فبراير 2017 12:24 م
آخر تحرير 01 مارس 2017 03:19 ص

أضف تعليق

"واَسْتَودع قلبك لِمَليكَه"
هو الخير وهو الأبقى دائما.. ابتسامة
1
2017-02-28T13:43:52+02:00
جاري التحميل