الى درويشتى

مؤمن.أ 11 مارس 2017 332 3
سجل الآن وشارك في الحوار واستفد من الخبرات



لــ.. درويشتى

الى درويشتى / اللي لسه ما قبلتهاش وماعرفتهاش
 حتى انى مش عارف كونها مكتوبة ليه ولا لسه مجرد  "حرف".
اما بعد ،،،
احب اقولك يا أمو التلفيحة الخضرا والسبحة الطويلة أم العطر الصندلى .
ي امو العينين الساهدين السارحين ف العرش والملكوت .
انا عارف ان  لسه ما جاش الوقت فى تدابيرك .
عشان تبدأ رحلتى وارتقى و آدور فى فلك " كونك " .
وانك لسه بتندهى انك تخشي تقربي من النور والعرش.
انا درويشك المنتظر على  "بابك " ومستني اذنك تفتحي .
انا عارف ان قربك مش بأيدك وانك لازم تسجدي .
طالبة المدد والعون واللي من غيره الحياة " اوهام.”
عارف انك حاسة بيه ...
وان خبطي لكل " باب " من ببانك بقي يزعجك ويأرقك.
بس البعاد بقى شيء مش محتمل .
كل اللي عايزه لحظة من وقتك آاكدلك مرادي.
واشتكى لسيدي وسيدك طول " الفراق ".
اصل قربه بات دليل من غيره مين يقدر يعيش ..!؟
زي قربك من غيره ماتبقاش " حياة.   “
(انا بدعى .. وبتقرب .. وبستغفر ........
لجل ما صوتي ينسمع فى اهل السما .
انا مستنيكى من ساعة اول نفس ليه فى دنيايا ...
اللي ما عرفش منها غيرك وطن.
اول بصة ليه كانت ادام "عيونك "..
اول نطق ليه كان باسمك.

حاسس ان الوقت جه.. وان " اللقى " حتمي وضروري.
لجل ما تنور زهوري ويبتهج قلبي اللي ضلم من زمان.
استأذنني العرش وتعالى بين " ضلوعي ".
يمكن القرب الجديد يوصلك لوجهتك.
اللي ياما عافرت عشانها " الروح "وقت السحر.
وكان ناقصها بس إنك تلبى الندى وتهللي وتسبحي.
يمكن الباب ينفتح وتنولي المراد.." يوم قدومي ".

 

خالص عزائي لنفسي ،،،
أمضاء / درويشك               

 

نشر بتاريخ 11 مارس 2017 10:17 ص
آخر تحرير 11 مارس 2017 10:20 ص

أضف تعليق

هل تشبيهك " الدرويشة" مستقى من الصوفية!
جميل التعبير، فقط أنننتبه ألا تكون التشبيهات مقاربة لما يتعلق بالعرش ومالكه جل في علاه.
بالنسبة للتسجيل الصوتي أرجو منك المتابعة في التدرّب ومتابعة أقسام المجتمعات هنا ففيها العديد من النصائح القيمة.
أتمنى لك المزيد من التوفيق
2
2017-03-11T11:04:12+02:00
جاري التحميل