الكلور وفرح بنت العمدة!

محمود.ع 16 أبريل 2020 21 0
هل لديك معلومة أخري عن الاستخدام الآمن للكلور في التعقيم المنزلي ؟ أكتب في تعليق
سجل الآن وشارك في الحوار واستفد من الخبرات

#الكلور وفرح بنت العمدة!!

• بص علي زجاجة الكلور اللي بتسخدمها هتلاقي مكتوب في مكوناتها هيبوكلوريت صوديوم 5٪؜ ، ودي المادة الفعالة في اغلب الكلور اللي في الاسواق
بتاخد 20 مل كلور / لتر ماء التركيز ده كافي جداااا باذن الله للقضاء علي الفيروسات، (ومتزودش كلور ولا تحط كميات ظنا منك ان لو زودت افضل .. لأ .. مش فرح بنت العمدة هو !

الكلور بيستخدم (لوحده) بدون إضافة أي مواد معه غير طبعا تخفيف بالماء؛ لأن الكلور يتفاعل مع اي مواد تضاف ليه، يعني اذا تم إضافته لمواد حمضية مثل الفلاش بينتج عنه غاز الكلور السام ويسبب لاقدر الله اختناقات واعراض تنفسية وإذا تم إضافته على مواد قاعدية مثل الصابون يلغي تأثيره المطهر.

الكلور اصلا غاز - وبيطير تحت ظروف معينة - فخلي بالك الافضل الزجاجة تكون مقفولة باحكام وغير معرضة للجو
• تزداد فعالية الكلور في المياه الدافئة
• اما تخفف الكلور بالمياه انتظر شوية زي 10 دقايق كده للحصول علي فعالية أكثر
• الكلور يتفاعل مع الضوء (photosensetive) يعني نراعي انه يكون في زجاجات او بخاخات معتمة غير
منفذة للضوء.
• طبعا لازم تنضف الاسطح من التراب قبل ما ترش الكلو

• طبعا (اهم) مناطق تستخدم الكلور لها مقابض الابواب واماكن وضع الاحذية عند مدخل الباب
مسح الأرضيات به حتى تجف، تخفيف كمية أخري ووضعها في عبوات ورشها على الأسطح (بدون تنشيف).
تكرر الرش ده يوميا (عشان المادة الفعالة بتفقد عملها خلال 24 ساعة).
أو عند الحاجة (ومش عمال علي بطال).
مش تمسح به ارضيات البيت كله والحيطان وترش علي وش وجلد للناس!

• اياك طبعا ترش الكلور علي اي اكياس الاكل ومنتجات غذائية ممكن بقماشة مغموسة في الكلور وانت لابس جوانتي عشان ميأذيش جلدك وتمسح الاكياس والمنتجات المعلبة.

المصد| منظمة الصحة العالمية

https://apps.who.int/iris/bitstream/handle/10665/40177/WHO_TRS_707_ara.pdf?sequence=2&isAllowed=y

نشر بتاريخ 16 أبريل 2020 10:32 م
آخر تحرير 16 أبريل 2020 10:32 م

لا يوجد تعليقات