ليه مبنلاقيش شغل دوبلاج او Voice Over ؟

القصة كالاتي:
انا همسك كل افلام الكارتون اللي اعرفها واللي معرفهاش وهقلد كل الشخصيات اللي فيها ربونزل ومارد وشوشني وسيمبا وسكار وغيره وبكده هبقى احسن واجمد Voice Over
واحسن واحد يعمل Voice Acting (دوبلاج) !
وبعدين تتصدم بالواقع .. وتيجي هنا على الجروب وتقول: يا جماعة انا عايز مكان اشتغل فيه ده انا حتى بعرف اقلد كل الشخصيات دي هو ليه المجال ده كلله وسايط !
ببساطة *الدوبلاج مش كده* ولو روحت خدت كورس عبارة عن تقليد شخصيات افلام كارتون فانت ضيعت وقت وفلوس والاهم ضيعت موهبتك !
الـ Voice Acting او التمثيل الصوتي مش تقليد اصوات والقاعدة الاهم عندنا في مجال الصوتيات (اوعى تغير نبرة صوتك مهما كان)
افهم الشخصية,حللها,اعرف كل سماتها وطباعها وعبر عنها بصوتك وقبل كل ده اتدرب صح .. التدريب مش عيب والكورسات مش حرام .. وافتكر وانت بتدور على كورس انك متبصش لانهى كورس هيشغلك .. شوف انهى كورس هيفيدك التدريب حاجة والشغل حاجة ! يعني لما بتاخد كورس English بتاخده علشان تستفيد ولا علشان بتشتغل في نفس المكان اللي خدت فيه الكورس ؟!