لو رجعنا بالزمن لمصر في القرن ال16، وقت ما كان البن لسه واصل من اليمن والحجاز مع الحجاج القهوة وقتها كانت مشروب غريب، الناس بتشربه في حلقات الذكر، وطلاب الأزهر بيستخدموها علشان تساعدهم على السهر والمذاكرة لكن بعض المشايخ كان ليهم رأي تاني قالوا إن القهوة بتسكر، وبتخلي الإنسان مش طبيعي، وبتخليه يسهر أكتر من اللازم! وقدّموا فتوى للسلطان قنصوه الغوري، وقالوله: لازم تتحرّم! والسلطان صدّقهم وأصدر قرار رسمي بمنع القهوة، مش بس كده البن نفسه اتحرق في شوارع القاهرة! نيجي بقى للملوخية في العصر الفاطمي، الخليفة الحاكم بأمر الله أصدر قرار بمنع أكل الملوخية! السبب؟ محدش قاله بصراحة لكن في روايات بتقول إنها كانت بتسبب أمراض في الوقت ده، وفي ناس بتقول إنالحاكم بأمر الله حرّمها لحب الخليفة معاوية ابن ابى سفيان ليها يعني ببساطة، القهوة والملوخية، اللي هما دلوقتي من أساسيات يومنا كانوا زمان جرائم يُعاقب عليها القانون! تفتكر لو كنت عايش في الزمن ده كنت هتقدر تعيش من غير القهوة و الملوخية ؟ ولا كنت هتدخل التاريخ كمجرم قهوة او ملوخية؟
