هديك المره كنت بقعده مع اصدقائي فقعدنا نحكي على شخص كتييير ناجح بحياته العملية و buisness man ثابت نفسه في عمله من جميع المقاييس القصه مش هون كان في استغراب انه قد ما هوه ناجح في عمله ولكنه فاشل جداً في بيته و اسرته و بيته مهدوم ما عرف يدير التنين سوا بطريقه مناسبه فهوه هادا عامل استغراب عند الناس الحواليه انه كيف يكون ناجح هالقد هون و فاشل هالقد هناك؟ مشان في الحياه في ادوار و ازا كل شخص عرف يمارس دوره في جميع الأماكن بالطريقه الصح؟ ما بكون ناجح جداً بمكان و فاشل جداً والعكس تماماً بمكان تاني! الأدوار في الحياة، بتعرف انه كل شخص في الدنيا لازم يكون عنده توازن في الأدوار في الحياة و هادا الإشي كتير و ما يكون عندك اضطراب في الأدوار فزوجته بتحكي انه هوه كان كل حياته شغل و يروح البيت آخر الليل، حتى ولاده ما بعرف اي تفصيله عنهم و لكن مش هاي المشكله الأصليه المشكله انه هوه بمارس دور المدير! بالبيت كمان اعطو كل دور حقه، انت هناك مدير ولكن انت بالبيت زوج و اب وانت مع اصدقاءك صديق وعادي ممكن تاخد كورس او تدرس حتكون شخصية الطالب في الحصه ، مش المدير يعني نفس الشخص في كل مكان اله دوره ومهامه ما اضخم دور على حساب الأدوار التانيه ، قد ما بتقدر وازن بينهم مشان ما تلاقي حالك كسبان ناحيه و خسران اشياء تانيه مقابلها
