هيكل سليمان أو بالعبرية (بيت همقدش) البيت المقدس بالعربية بدون الدخول في مقدمات، عايزك تصفى ذهنك وتركز جداً في الي هنتكلم فيه النهاردة ولو مشفتش بوست المقدمة أنصحك لازم تشوفه الأول عشان تعرف البداية (هسيبلك رابط البوست في أول كومنت) مبدئياً كده موضوع بناء الهيكل التالت ليه روايتين ملهمش تالت والأتنين بيوصلوا لنفس النتيجة - الراوية الأولى ليها علاقة بالسحر والجن وكُتب السحر الموجودة تحت عرش سيدنا سليمان و ده مذكور في بعض الأسرائيليات -الرواية التانية مبنية على أساس تاريخي و ديني وسياسي وليها علاقة بالأحداث الموجودة حالياً في فلسطين -خلينا نبتدي من النهاية ونتكلم عن الرواية التانية( الرواية الأولى هنتكلم عنها بالتفصيل وقت تاني) خلينا كالعادة نروح ناخد جولة سريعة في التوراة ونروح لسفرالملوك الأول إصحاح 5-(1:9)وده بختصار بيتكلم عن بشرى بناء الهيكل وأن سليمان بناه لأسم الرب بدل من داوود الي مقدرش يبنيه بسبب الحروب الي كانت موجودة في عهد حكمه، وكان بشارة لداوود بأن الي هيبني البيت هو ابنه سليمان خلينا في نفس السفر بس الأصحاح 6-(1:38) الي بيوضح أن سليمان بنى الهيكل في سنة 480 من خروج بني أسرائيل من مصر تحديداً في شهر زيو (التقويم العبري) وأن الهيكل تم بناءه في 7 سنين بالظبط ومذكور كمان وصف دقيق جدا للهيكل
