ازي حضرتك يا طنط - ازيك يا ولاء ازيك يا حبيبتي هاتي بوسة امممماه راحة فين كده مشوفتكيش من زمان لا مفيش راحة خطوبة نورا صاحبتي - نورا القصيرة دي ؟ اه - السودة المعفنه دي اتخطبت ؟ آه - اللي بتلبس صنادل دي اتخطبت وانتي لسه ؟ نصيب - يالا عقبالك يا حبيبتي ونفرح بيكي في حياتك يارب - والواد حسن اللي كنتي ماشيه معاه ده ايه يا طنط - لا منا قاعده قدام البيت هنا متابعه كل حاجة حسن اتجوز - يالا يا حبيبتي في داهية عقبالك يارب في حياتك - وسامية أختك مبشوفهاش ؟ لاسامية جاتلها م - ضربة دم ؟ لا بعد الشر ان شاء الله انتي جاتلها منحة دراسية بره مصر - يالا يا حبيبتي عقبالك في حياتك - و سعاد ؟ سعاد بتقضي شهر العسل في سيريلانكا - يالا يا حبيبتي عقبال عسلك في حياتك - هبة فين ؟ لا ما هبة إتجوزت امبارح صباحيتها انهارده - يالا عقبال صباحيتك في حياتك - مروة جارتكوا دي كانت معديه وشايله طفل علي ايدها كده اه ابنها - يالا عقبال ما أشوف ولادك في حياتك - روميساء كانت لبسه اسود في اسود وطاقية اه حفل تخرجها - يالا عقبال تخرجك في حياتك - الواد مروان اللي جه اتقدملك كان معدي برضه بعربية كده اه اشتري عربية - يالا عقبال عربيتك في حياتك - منار كانت معديه ولابسه لبس شيك كده وجيب قصير وشكلها مهم اه اشتغلت في شركة انترناشونال - يالا عقبال انترناشونالك في حياتك - البت بسمة المعصعصة دي ملت وربربت كده اه بتروح جيم - يالا عقبالك في حياتك - الواد سيد الشغال اه علي روتانا سينما - يالا عقبال قناتك في حياتك - ومش هينفع كده تفضلي مكانك وكل الناس بتموف أون حوليكي ها ؟ في حياتك - ولو احتاجتي أي حاجة في حياتك - تجيلي علطول في حياتك - وسلميلي علي امك في حياتك - ولما تعوزي تكسري مقاديف نفسك وتفقدي شغفك تعدي من الشارع ده بس في حياتك - لا انتي عنيكي بتلف وشكلك هتقعي مني في حياتك - ولاء ؟ في حياتك - في حياتك
