اهلا بيكم فى بودكاست راحة بنحاول ناخد هنا للعقل والقلب استراحة وفى رحلة الحياة والبحث عن الراحة تلاقى الناس خدت حانب الاعتزال وهما فاكرين انهم بياخدو عُزلة طب ايه الفرق بينهم وايه الصح نعمله ؟ ده اللى هنتكلم عنه النهارده فى الحقيقة مش عاجبنى توجه السوشيال ميديا ودفعها دايما لجيلنا عشان يعتزل الناس وترديد كلمة اعتزل ما يؤذيك دايما ولو لاحظنا ان ساعات اللى بيقول اعتزل ما يؤذيك هو البطل المؤذى فى الحقيقه ومش واخد باله يمكن لو اخد وقت من العزله كان صادق فيه مع نفسه وراجع افكاره وحدد اولوياته ورجع بذهن صافى وروح منفتحة كان بقى هو بطل حلقتنا الناس ساعات بتخلط بين العزلة والاعتزال ، مع إن بينهم فرق كبير العُزلة ببساطة هي إنك تاخد وقت لنفسك، تبعد عن الزحمة والدوشة علشان تراجع أفكارك وتريح بالك زي ما قال الحكيم : العزلة ليست هروبًا من العالم، بل رجوع إلى الذات فكم من الناس عاشوا بين الجموع لكنهم كانوا غرباء عن أنفسهم العزلة دواء، حين تكون بوابة لتصحيح المسار وإعادة فهم الحياة والناس العزلة هنا زي كبسولة راحة مؤقتة، بتخلي الواحد يرجع للناس بطاقة أقوى وذهن أنقى واستعداد لمواجهة تحديات الحياة البسيطة والصعبه فالعزلة زاوية بسيطة بيقف فيها الانسان قدام عقله بيكون صريح مع نفسه بيراجع عيوبه وسقطاته وذلاته بكل تجرد لكن الاعتزال مختلف الاعتزال معناه إنك تنسحب من الحياة وتبعد بشكل شبه كامل وده غالبًا وراه يأس وهروب من المواجهة أو فقدان أمل الاعتزال ساعات بيبان راحة، لكنه في الحقيقة ممكن يخلي الوحدة أعمق والنفس هشة علم النفس كمان بيأكد إن العزلة المعتدلة ليها تأثير إيجابي جدًا: بتقلل التوتر، بتزود التركيز والإبداع، وبتدي فرصة نسمع صوت نفسنا لكن الاعتزال الطويل بيأثر سلبيًا ممكن يزود مشاعر الحزن والاكتئاب، ويضعف علاقتنا بالناس يعني باختصار: العُزلة زي استراحة مقصودة مفيدة وبتقوّي الروح بنرجع نواجه ااحياة بطاقة وحيوية وذهن اصفى واستعداذ لتقبل التحديات الاعتزال انسحاب كامل وهروب وده على المدى الطويل بيضر أكتر ما ينفع وبترجع تلاقى نفسك خسرت كل ما هو جميل ومجهودك ممكن ميكفيش استعادته فالمفتاح إننا نعرف إمتى نحتاج نختلي بنفسنا ونرجع للحياة بعد ما نرتاح لأن في الآخر، وجودنا مع الناس جزء أساسي من توازننا النفسي العُزلة صحة وقوة ، لكن الاعتزال ضعف وهروب وتخاذل وبفكركم ان هنا بودكاست راحة محطة استراحة اشوفكم على خير
