دا الصوت اللي اتعودنا عليه قبل آذان المغرب في رمضان بداية مدفع الافطار كانت من المحروسة في عهد الدولة الاخشيدية لما الوالي جاله مدفع فحب يجربه وكان بالصدفة وقت آذان المغرب في رمضان و لما سمع المصريين صوت المدفع افتكروا ان الوالي بيفكرهم بمعاد الفطار و اتفاجئ الوالي ان الناس جايه تشكره على التذكير بمعاد الفطار ليلتها و من هنا امر السلطان باطلاق قذيفة كل يوم في رمضان مع غروب الشمس لكن في رأي تاني مدفع الحاجة فاطمة و اخد اسمه لما كان مجموعة من الجنود في الجيش بينضفوا مدفع في منطقة مملوكة للاميرة فاطمة بنت الخديو اسماعيل و خرج منه بالصدفة قذيفة وقت اذان المغرب في رمضان اختلفت الحكايات و تعددت الروايات لكن اللي مفيش خلاف عليه ان مدفع الافطار من العلامات المميزة لرمضان في مصر و منها اتقنل كوسيلة احتفاء و تنبيه بمعاد الفطار في سائر بلاد المسلمين
