كان يا ما كان، في غابة جميلة، مليانة شجر وألوان وحيوانات لطيفة، كان في أرنب صغير اسمه لوز لوز كان بيحب الجري والألعاب، لكن أكتر حاجة بيحبها هي النهر اللي بيشرب منه وبيبلبط فيه كل يوم! في يوم صحي لوز، راح على النهر لكن لقى المية شبه ناشفة! ياااه! هو في إيه؟ المية راحت فين؟! الحيوانات كلها كانت قلقانة، ومحدش فاهم السبب لوز قال: أنا مش هقعد ساكت! أنا لازم أكتشف إيه اللي حصل، وخلى النهر فاضي كدة وهو ماشي، قابل السلحفاة الحكيمة، والعصفور الصغنون، والدب الكسول! السلحفاة قالت له: في ناس اشرار قطعوا شجر كتير اللي كان فوق الجبل والشجر ده كان بيحافظ على المية من إنها تروح! لوز حس إنه لازم يتحرك، فقال لأصحابه يلا بينا نزرع شجر جديد راح الدب الكسول قام بنشاط يجمع البذور والعصفور الصغنون كان يسقيها وفضلوا كلهم يهتموا بالغابة ويحرسوها وبعد أيام، النهر رجع يجري، والحيوانات فرحت، والغابة بقت أجمل من الأول! لوز قال وهو بيضحك: لما نتعاون، نقدر نغيّر أي حاجة! وكدة خلصت مغامرة لوز وأصدقاءه، بس لسه فيه مغامرات تانية كتير!
