فرح : متلمسيش الذكريات لحد ما نفهم ايه اللي بيحصل حزن : حاضر فرح : يلا أنا جاهزة ده درابزين كبير وهنتزحلق ، لحد تحت - ايه ده ، في ايه؟! هيييي مش معقول ! حزن بتعملي ايه ؟ حزن : أصلها كانت مايله حاولت أعدلها لكنها وقعت (وهووو) حزن :انا بسس ،حبيت ألمس واحدة منهم فرح : لا لا لا لا حزن كنتي هتلمسي ذكرى مركزية ولو إتلمست مستحيل إنها تتغير حزن : عارفة انا آسفة في حاجة ، بتحصلي انا حاسة كده اني انا بنهاااار فرح ; مبتنهاريش ولا حاجه ده مجرد ضغط حزن : أنا بعك وملخبطة الدنيا أنا بشعة فرح : لاءه متقوليش كده حزن : و مزعجة فرح : بصي أصل آآ انتي عارفة بلاش دايما تركزي بس ع الغلطات ، على طول في حلول للمشاكل ، وهتلاقي الفرح حزن : ايوه ألاقي الفرح ، معرفش إزاي هلاقيه فرح : بصي ، هقولك فكري في حاجه بتضحكك حزن : امممم اه فاكرة الفيلم المضحك اللي مات فيه الكلب ؟ فرح : ااه فاكرة منفعش هاه تيجي نفتكر اليوم ،مع ماج لما رايلي ضحكت ، جامد اوي واللبن خرج من مناخيرها هههههه كانت بتضحك اوي حزن : لا ده وجعني حرقني في مناخيري ، كان ، فظييييع فرح : أأ خلاص انسي ده نجرب حاجة تانيه آآ ايه أكتر حاجة بتحبيها؟ حزن : آآآ بحبها؟ أممم بحب لما بنكون بره فرح : ده هااااايل ، مثلا ع البلا وكمان الشمس، آه فاكرة لما دفنا بابا في الرمل لحد رقبته حزن : آآو انا كنت بفكر في المطرة فرح : المطرة ، المطرة ؟ انا كمان بحبها برضه ممكن ندوس في البرك وآ بحب كمان آآ الشمسيات الروشة ، والعواصف الرعدية حزن : انا بفكر في الدنيا لما بتمطر وتبل جزمنا من جوه ، ونحس بالبرررد ونرتعش ، وكل حاجه بتبقي وحشة ومؤلمة اهييييء فرح : إستني اهدي بالراحة ، انتي ليه بتعيطي ؟ اممم اه ده كدة عكس الشعور اللي كنا بنحاول نحسوو حزن : العياط بيساعدني على تخفيف هموم الحياة اللي على دماغي
