إزيك يا إبراهيم أنا قلت أكلمك جيت علي بالي النهاردة فا قلت مش إشكال لو أعرف أخبارك إيه أنا عارفة إن إحنا المفروض منتكلمش وعارفة إن مكالمتي بالذات دلوقتي ممكن تضايقك بس أنا مستغربة إزاي الموضوع خلص كدة ومبقناش نعرف حاجة عن بعض غريبة إني مبقتش أعرف يومك كان ماشي إزاي كل واحد له حياته وبقي في دنيا بعيد عن التاني سكك صعب أوي تتلاقي صعب أوي تتلاقي زي الأول بذات في دنيا بتجري بالشكل ده مش عارفة أنا بقولك الكلام ده ليه يمكن لأن الواحد لو مقالش اللي في مخه إحتمال يتجنن أو ممكن يصحي يلاقي نفسه في عالم تاني زي ما حصل معانا كدة غريبة أد إيه بنتغير مع إن مفيش حاجة بتتغير فعلا إبراهيم أنا مش عارفة أمتي هقدر أكلمك تاني مش عارفة إن كنت هكلمك تاني من أساسه وأكيد مش عارفة أمتي ممكن نتخبط في بعض صدفة في حتةفا قلت أسبلك الرسالة دي عبيطة ملهاش أي معني مش عارفة أنت هتقول إيه لما تسمع الرسالة اللي مش عارفة أنا بقول فيها إيه من أصله بس يمكن حبيت أتكلم معاك زي الأول بس أضمن إنك مش موجود زمان الشريط اللي بيسجل هيخلص مش عارفة قلت كل اللي في دماغي ولا لا بس عموما نفسي الأمور عندك تتحسن نفسي أقولك متزعلش إبراهيم صدقني كله هيبقي كويس
